Sòm Yo 57

¹Fè m gras, SENYÈ, O Bondye, fè m gras,
paske nanm mwen kache nan Ou.
Wi, nan lonbraj a zèl Ou, mwen va kache,
jiskaske destriksyon an fin pase.
²Mwen va kriye a Bondye Pi Wo a,
a Bondye ki acheve tout sa m mande an.
³Li va voye sòti nan syèl la pou sove mwen.
Li fè repwòch a sila ki foule mwen an. Tan
Bondye va voye fè rive lanmou dous Li ak verite Li.
⁴Nanm mwen rete pami lyon yo.
Mwen oblije kouche pami sila k ap respire dife yo.
Fis a lòm yo menm ak dan kon frenn file,
epi lang yo kon yon epe file.
⁵Leve anwo syèl yo, O Bondye;
Kite glwa Ou vin pi wo sou tout latè! ⁶Yo te prepare yon gwo filè pou pa mwen yo;
Nanm mwen koube ba.
Yo te fouye yon fòs devan m.
Yo te tonbe nan mitan li. Tan
⁷Kè m kanpe fèm, O Bondye,
kè m fèm.
Mwen va chante, wi mwen va chante lwanj!
⁸Leve, glwa mwen! Leve ap avèk gita!
Mwen va fè maten vin leve.
⁹Mwen va bay Ou remèsiman, O SENYÈ, pami pèp yo.
Mwen va chante lwanj ou pami nasyon yo.
¹⁰Paske lanmou dous Ou a gran jis rive nan syèl yo,
epi verite Ou jis rive nan nwaj yo.
¹¹Leve anwo syèl yo, O Bondye.
Ke Glwa Ou kapab vin pi wo ke tout latè.